Потпишани се меморандумите за соработка со средните училишта во Куманово

Претседателка на Здружение “Доверба” Куманово потпиша Mеморандум за соработка со директорка на РЦСОО”Киро Бурназ” Весна Трајковска во рамки на проектот “Заедно сме посилни! – Преку врсничка едукација до здравје и ненасилство”, кој се реализира во период од 01.02.до 01.10.2025год.

Целта на програмата е да се поддржи менталното здравје, да се зајакне психосоцијалната и социо-емоционалната компетентност на младите, родителите како и професорите и да се создаде безбедна, поддржувачка и ненасилна средина во 4 средни училишта во Куманово.

По обука за ” Врснички едукатори за ненасилна комуникација и медијација ” 21 ученик ќе држат обуки на своите врсници, но и ќе посредуваат при решавање на меѓусебни спорови. За своите заложби за ненасилство ќе снимат и видеа во рамки на креативни работилници. Планирани се и обуки за нивни родители и професори.Проектот е поддржан од страна на Екуменска иницијатива жена-Омиш, Хрватска.